حیدرآباد - - - - - حیدرآباد میں وقفہ وقفہ سے ہوئی بارش پر گریٹر حیدرآباد میونسپل کارپوریشن(جی ایچ ایم سی)نے عوام بالخصوص طلبہ میں مچھروں کی لعنت پر بیداری پیداکرنے کے اقدامات میں تیزی پیداکردی ہے۔میونسپل کارپوریشن نے اسکولز میں’’فرائی ڈے ۔ڈرائی ڈے ‘‘پروگرام کا آغاز کیا ہے ۔عہدیداروں نے اسکولز اور گھروں میں مختلف مقامات پر جمع ہوئے پانی کو صاف کرنے کی ضرورت پر زور دیا اور طلبہ سے اپیل کی کہ وہ پرانے ٹائرز ،اے سی مشینوں ، ڈرمز اور دیگر میں جمع پانی کو صاف کریں ۔انہوںنے گھریلو استعمال والے جمع پانی کو نکال کر اس کی جگہ تازہ پانی بھرنے کی ضرورت پر بھی زور دیا۔
