آئندہ میچوں میں بھی ٹیم کی فتح میں اہم کردار ادا کرونگا،معین علی

لندن: انگلینڈ کرکٹ ٹیم کے مایہ ناز آل راﺅنڈر معین علی نے کہا ہے کہ وہ پروٹیز کے خلاف ٹیسٹ سیریز کے بقیہ میچوں میں بھی عمدہ آل راﺅنڈ کارکردگی کی بدولت اپنی ٹیم کی فتوحات میں اہم کردار ادا کرینگے۔ انہوں نے کہا کہ وہ اپنی کارکردگی سے مطمئن اور بھرپور فارم میں ہیں اور پروٹیز کے خلاف اپنی عمدہ کارکردگی کی بدولت ٹیسٹ سیریز کے آئندہ میچوں میں بھی ٹیم کی فتح میں اہم کردار ادا کرینگے، انہوں نے کہا کہ انکی ٹیم مکمل طور پر فٹ اور بھر پور فارم میں ہے اور جنوبی افریقہ کو ٹیسٹ سیریز میں کلین سوئپ کرنے کے لئے پرعزم ہے ۔ انگلینڈ نے پروٹیز ٹیم کو پہلے ٹیسٹ میچ میں 211 سے شکست دیکر چار میچوں کی سیریز میں 1-0 کی برتری حاصل کر رکھی ہے۔ دونوں ٹیمون کے درمیان 4ٹیسٹ میچوں کی سیریز کا دوسرا میچ 14 جولائی سے ٹرینٹ برج، نوٹنگھم میں شروع ہوگا۔ معین علی نے اپنے بیان میں کہا کہ جنوبی افریقہ کو پہلے ٹیسٹ میچ میں شکست دیکر ٹیم کے اعتماد میں اضافہ ہوا ہے۔ امید ہے کہ کھلاڑی جنوبی افریقہ کے خلاف ٹیسٹ سیریز کے بقیہ میچوں میں بھی عمدہ کارکردگی کا مظاہرہ کرتے ہوئے مزید کامیابیاں حاصل کرینگے ۔ انہوں نے کہا کہ بلا شبہ جنوبی افریقہ کی ٹیم متوازن ٹیم ہے اور وہ سیریز جیتنے کیلئے ہر حربہ استعمال کرے گی اسلئے کھلاڑیوں کو پہلے میچ میں جیت کے باوجود جنوبی افریقہ کو آسان حریف نہیں سمجھنا چاہیے ۔ انہوں نے کہا کہ جنوبی افریقہ کی ٹیم کے خلاف ٹیسٹ سیریز اپنے نام کرنے کیلئے سرتوڑ کوشش کریں گے۔