ہاشم آملہ نے ٹیسٹ میں 8 ہزار رنز مکمل کرلئے

نوٹنگھم :جنوبی افریقن کرکٹ ٹیم کے مایہ ناز بلے باز ہاشم آملہ نے ٹیسٹ کیرئیرمیں 8 ہزار رنز کا ہدف حاصل کر لیا۔ ہاشم آملہ یہ اعزاز حاصل کرنے والے جنوبی افریقہ کے چوتھے بلے باز بن گئے ہیں۔ انہوں نے انگلینڈ کے خلاف نوٹنگھم ٹیسٹ کی پہلی اننگز میں 78 رنز بنائے جس کی مددسے انہوں نے کیریئر کے 8ہزار رنز مکمل کئے۔ جنوبی افریقہ کی کرکٹ ٹیم کی جانب سے سب سے زیادہ رنز بنانے کا اعزاز جیک کیلس کے پاس ہے جو 13206 رنز کے ساتھ پہلے نمبر پر ہیں۔ گریم اسمتھ 9253 رنز کے ساتھ دوسرے اور اے بی ڈی ویلیئرز 8074 رنز کے ساتھ تیسرے نمبر پر ہیں۔