راولپنڈی... ترجمان پاک فوج نے کہا ہے کہ پانامہ کیس کی تحقیقات کے لئے جے آئی ٹی سپریم کورٹ نے بنائی تھی۔ اس کا براہ راست فوج سے تعلق نہیں تھا ۔اس میں شامل آئی ایس آئی اور ایم آئی کے ارکان نے سپریم کورٹ کے ماتحت رہ کر محنت اور ایمانداری سے کام کیا۔ پریس بیفنگ کے دوران ایک سوال پر ڈی جی آئی ایس پی آر میجر جنرل آصف غفور نے کہا کہ یہ معاملہ عدالت میں ہے اس پر کوئی بات نہیں کی جا سکتی۔ پاک فوج ملکی سیکیورٹی اور دفاع کیلئے جوکام ضروری ہے وہ کررہی ہے۔پاکستان فوج پاکستان کا حصہ ہے۔ ہر پاکستانی کا فرض ہے کہ وہ آئین اور قانون کی عملداری کا احترام کرے۔ انہوں نے کہا کہ سوشل میڈیا پر ہر شخص کو آزادی رائے کا حق ہے تاہم کوئی بھی محب وطن پاکستانی سوشل میڈیا کی مہم کا حصہ نہیں۔ پاک فوج کے خلاف پراپیگنڈہ کر نے والے بیرونی عناصر کے آلہ کارہیں۔ فوجی ترجمان نے کہا کہ پچھلے 15 سال سے پاک فوج اور عوام ایک جنگ میں مصروف ہیں۔یہ کہنا کہ فوج کسی سازش کا حصہ ہے اس سوال کا جواب دینا بھی نہیں بنتا۔
