دیپیکا نے پرینکا کی چھٹی کرادی

 بالی وڈ اداکارہ دیپیکانے فلم’ڈان‘ کے تیسرے سیکوئل سے پرینکا چوپڑا کی چھٹی کرادی۔ہندوستانی فلم انڈسٹری میں دیپیکا پڈوکون اور پرینکا چوپڑا کا شمار صف اول کی اداکاراؤں میں ہوتا ہے جب کہ دونوں نے فلم ’باجی راؤ مستانی‘ میں بہترین اداکاری کی وجہ سے نہ صرف متعدد ایوارڈز اپنے نام کئے بلکہ مداحوں کے ساتھ ساتھ ہدایت کاروں کو بھی اپنا گرویدہ کرلیا تاہم اب دیپیکا نے فلم ’ڈان‘ کے تیسرے سیکوئل سے پرینکا کوآئوٹ کردیا ہے۔کچھ روز قبل معروف فلمساز رطیش سدھوانی نے ’ڈان‘ کا تیسرا سیکوئل بنانے کا اعلان کرتے ہوئے کہا تھا کہ پہلے دو سیکوئلز کی طرح اس میں بھی بالی وڈ کنگ شاہ رخ خان ہی مرکزی کردار ادا کریں گے لیکن ان کے مد مقابل فلم کے دونوں سیکوئلزمیں ’جنگلی بلی‘ کا کردار نبھانے والی پرینکا چوپڑا تیسرے سیکوئل میں شامل نہیں ہوں گی۔ایک انٹرویو میں رطیش سدھوانی  نے کہا کہ پرینکا امریکی ٹیلی وژن پروگرام ’کوانٹیکو‘ کی شوٹنگ میں مصروف ہیں لہذا دپپیکا پڈوکون کو  ’ڈان‘ کے تیسرے سیکوئل میں کاسٹ کرلیا گیا ہے۔واضح رہے کہ دیپیکا اس سے قبل شاہ رخ خان کے ساتھ  ’اوم شانتی اوم‘، ’چنائے ایکسپریس‘ اور ’ہیپی نیو ایئر‘ جیسی کامیاب فلموں میں اداکاری کے جوہر دکھا چکی ہیں۔