بجٹ میں کوئی نیا ٹیکس نہیں لگا رہے،مفتاح اسماعیل
کراچی ... وفاقی مشیر خزانہ مفتاح اسماعیل نے کہا ہے کہ بجٹ میں کوئی نیا ٹیکس نہیں لگا رہے ۔ آئندہ سال بجٹ میں آمدنی پر نہیں بلکہ نمو بڑھانے پر توجہ ہوگی۔کراچی سمیت پورے ملک میںامن و امان کی صورت حال تسلی بخش ہے ۔شہر قائد میں قیام امن سے تجارتی سرگرمیاں بحال ہوچکی ہیں ۔ معاشی ترقی کی حالیہ شرح دس سال میں سب سے زیادہ ہے۔ حکومت جی ڈی پی کی شرح 8سے 10 فیصد تک لے جانے کیلئے کوشاں ہے۔ پیر کو کراچی میںورلڈ اسلامک فنانس فورم کی افتتاحی تقریب سے خطاب کرتے ہوئے انہوں نے کہا کہ حکومت نے صنعتوں اور چھوٹے کاروبارکے فروغ کے لیے اقدامات کئے ہیں، مختلف شعبوں میں اسلامک بینکنگ کوفروغ دیاجارہا ہے اور مقامی صنعتوں کو بھی اسلامک فنانس کی طرف لارہے ہیں۔مشیر خزانہ نے کہا کہ معیشت بہتر ہورہی ہے اور شرح نمو 6 فیصد تک پہنچ چکی ہے،صنعتوں کومکمل طور پر گیس اور بجلی فراہم کی جارہی ہے، موجودہ دور میں 10 سے 12 ہزار میگاواٹ بجلی نظام میں شامل کی گئی۔انہوںنے کہاکہ امن امان کی صورت حال کا معیشت سے گہرا تعلق ہے۔ کراچی سمیت پورے ملک میں امن امان بحال ہوچکا ہے۔ کراچی میں تجارتی سرگرمیاں بحال ہوچکی ہیں۔انہوںنے کہا کہ غربت کے خاتمے کےلئے 8 سے 10 فیصد ترقی کی ضرورت ہے۔5 سال میں ہم نے 12 ہزار میگا واٹ کے منصوبے لگائے ہیں۔ کئی ٹیکس ایسے ہیں جس سے حکومت کو آمدن نہیں ہوتی۔ کرنٹ اکاو¿نٹ خسارے پرنظر ہے اس کا انتظام کررہے ہیں ۔انہوںنے کہا کہ ایمنسٹی اسکیم اس مہینے آجائے گی ۔
