طیب بلال مکی کیلئے الوداعی عشائیہ اور ساتھیوں کا خراج تحسین

 منفرد طبعیت کے حامل ہیں۔ غصہ بھی کر  لو تو مسکرا کر رہ جاتے ہیں

مکہ مکرمہ(محمد عامل عثمانی) نوجوان اور متحرک حج رضاکار طیب بلال مکی کی مستقل پاکستان  روانگی سے قبل حج رضاکار گروپ  (PHVG) نے عشائیہ کا اہتمام کیا ۔  اس موقع پر تمام شرکاء نے  شاندار خدمات پر بلال طیب کو  خراج تحسین پیش کیا ۔  ڈاکٹر محمدعرفان  اللہ صدیقی نے بتایا کہ  طیب بلال مکی کسی بھی کام کو  اپنی مثبت  سوچ اور طریقہ سے حل کرلینے کی  صلاحیت رکھتے ہیں ۔ایک  بیمار حاجی کے بارے میں معلومات حاصل کرنے میں ناکام ہوکر  جب PHVG کے طیب بلال سے رابطہ کیا  تو انہوں نے حاجی کے تمام کوائف 2گھنٹے کے اندر فراہم کردیئے۔ مجیب الرحمان نے کہاکہ  یہ منفرد طبعیت کے حامل ہیں۔ غصہ بھی  کر  لو تو مسکرا کر رہ جاتے ہیں۔  ڈاکٹر مسعود اقبال، ڈاکٹر عامر شہزاد، انجینیئر احتشام ، انجینیئر کامران خان، سعید ساگر اعوان، لیاقت  زمان اعوان،   زاہد زین  شریف،  امجد جدون اور دیگر نے کہا کہ’’ آواز خلق کو   نقارہ  خدا سمجھو’’۔  ہم سب کو  ہمیشہ یاد رہیں گے۔  طیب بلال مکی نے کہا کہ  کاش میں  موسم حج میں  پاکستان سے آکر بھی حجاج کی خدمت بجا لاسکتا۔