ناراض ارکان کے تحفظات دور کئے جائیں ،نواز شریف
لاہور...سابق وزیر اعظم نواز شریف کی زیر صدارت مسلم لیگ (ن) کے اجلاس میںآئندہ انتخابات 2018 کی حکمت عملی ، ٹکٹوں کی تقسیم ،نیب میںجاری مقدمات سمیت عوامی رابطہ مہم تیز کرنے پر تبادلہ خیال کیا گیا۔ اجلاس میں وزیر اعظم شاہد خاقان عباسی ،وزیر اعلی پنجاپ شہباز شریف ، سینیٹر پرویزرشید، وزیر ریلوے سعد رفیق سمیت، حمزہ شہباز اور دیگرنے شرکت کی ۔نواز شریف نے پارٹی کے اہم رہنماوں کو ہدایت کی کہ عوامی رابطہ مہم کو تیز کیا جائے۔ ناراض اراکین کے تحفظات دور کر کے دوبارہ پارٹی میں لایاجائے ۔ نواز شریف نے ناراض اراکین کو منانے کے لئے حمزہ شہباز ،اشفاق سرور اور ملک ندیم کامران پر مشتمل 3 رکنی کمیٹی کو ٹاسک دے دیا۔
