کمشنر جدہ کی نگرانی میں حمادہ سینٹر میں لگنے والی آگ پر قابو پالیا گیا
جدہ: جدہ کے کمشنر شہزادہ مشعل بن ماجد نے حمادہ سینٹر میں لگنے والی آگ پر قابو پانے کی کوشش کی نگرانی کی۔حی الحمراءمیں واقع مشہور شاپنگ سینٹر میں لگنے والی آگ بجھانے کی کوشش میں شہری دفاع کی 25ٹیموں نے حصہ لیا۔ شہزادہ مشعل نے آگ بجھانے والی ٹیموں کی کوششوں کا جائزہ لیا اور انہیں بہتر کارکردگی پر ابھارا۔
دوسری طرف شہری دفاع کی ٹیموں نے آتشزدگی کے باعث احتیاطی تدابیر اختیار کرتے ہوئے قرب وجوار کی عمارتوں کو رہائشیوں سے خالی کروالیا۔ تماش بینوں کو دور رکھنے کے لئے پورے علاقہ کا گھیراؤ کیا گیا اور سینٹرکی طرف جانے والی شاہراہ بند کردی۔
