پائلٹس جعلی ڈگری کیس میں شاہد خاقان کی طلبی

  اسلام آباد...سپریم کورٹ نے پائلٹس جعلی ڈگری کیس میں وزیراعظم شاہد خاقان کو ائیر بلیو کے سی ای او کے طور پر طلب کرلیا۔سپریم کورٹ میں پائلٹس کی مبینہ جعلی ڈگریوں کے کیس کی سماعت ہوئی۔ چیف جسٹس نے استفسار کیا کہ ائیر بلیو نے ابھی تک ڈیٹا کیوں نہیں دیا؟ ائیر بلیو کے مالک کون ہیں؟۔ ڈائریکٹر سول ایوی ایشن نے بتایا کہ وزیراعظم شاہد خاقان عباسی ائیر بلیو کے سی ای او ہیں۔ چیف جسٹس نے حکم دیا کہ ائیر بلیو کے چیف ایگزیکٹو آکر بتائیں کتنے افراد کی جعلی ڈگریاں ہیں؟ ائیر بلیو کے سربراہ کو بطور وزیراعظم نہیں بطور سی ای او بلا لیتے ہیں۔مفادات کا ٹکراو اپنی جگہ ہے۔ڈائریکٹرسول ایوی ایشن اتھارٹی نے کہا کہ 24 پائلٹس کی ڈگری جعلی ثابت ہوئی۔پی آئی اے کے 108 افراد کے ڈیٹا کی سول ایوی ایشن نے تصدیق کر لی، 117 افراد کے ڈیٹا کی تصدیق ہونا باقی ہے۔

مزید پڑھیں:حکومت خوفزدہ کیوں ہے؟