پاکستان نے ہند کا احتجاج مسترد کردیا

  اسلام آباد...پاکستان نے گلگت بلتستان آرڈر 2018ءپر ہند کے احتجاج کو مسترد کردیا ۔ترجمان دفتر خارجہ نے کہاکہ گلگت بلتستان سے متعلق پاکستان کا اقدام عوام کو مزید بااختیار بنانے کے لئے ہے۔ نئی دہلی من گھڑت احتجاج کے بجائے کشمیرسے غیر قانونی تسلط ختم کرے۔ترجمان نے کہا کہ جموں وکشمیر متنازع علاقہ ہے۔ اقوام متحدہ کی سلامتی کونسل کے قراردادوں میں اس کی متنازع حیثیت کو تسلیم کیا گیا ہے۔ جموں و کشمیر کی حتمی حیثیت کا تعین اقوام متحدہ کی قراردادوں کے مطابق ہو گا۔ ترجمان نے کہا کہ کشمیر میں انسانی حقوق کی بدترین خلاف ورزی کرنے والا ہند کیسے دوسروں کو درس دے سکتا ہے؟کشمیر پر ہندوستانی دعویٰ کسی طور پر قابل قبول نہیں۔واضح رہے کہ گلگت بلتستان آرڈر 2018 کے نفاذ پر ہندوستانی حکومت نے نئی دہلی میں پاکستانی ڈپٹی ہائی کمشنر سید حیدر شاہ کو طلب کرکے احتجاج کیا اور دعوی کیا کہ ریاست جموں و کشمیر ہند کا حصہ ہے ۔پاکستان کو قانونی طور پر کوئی حق نہیں کہ وہ اس کے کسی ایک حصے کا بھی اسٹیٹس تبدیل کرے۔

مزید پڑھیں:فاٹا کے خیبر پختونخوا میں انضمام پر افغانستان کا بیان مسترد