نوازشریف اور مریم کانام ای سی ایل میں ڈالنے کی تیاری

اسلام آباد ...نگران حکومت نے نواز شریف‘ مریم نواز شریف اور کیپٹن صفدر کے نام ای سی ایل میں ڈالنے کا اصولی فیصلہ کرلیا ۔ نیب حکام کی درخواست پر تینوں ملزمان کے نام ای سی ایل میں ڈالے جائیں گے جس کے بعد وہ لندن میں عید الفطر نہیں مناسکیں گے۔نیب نے وفاقی وزیر داخلہ کو اپریل میں ان تینوں ملزمان کے نام ای سی ایل میں ڈالنے کی ہدایت کی تھی لیکن اس وقت کی حکومت نے نواز شریف اور دیگر ملزمان کے نام ای سی ایل میں ڈالنے سے انکار کردیا تھا۔ نگران حکومت نے ان تینوں ملزمان کے نام اب ای سی ایل میں ڈالنے بارے حتمی فیصلہ کرلیا ۔ وزارت داخلہ کے اعلیٰ حکام کے اہم اجلاس میں فیصلہ کیا جائے گا۔ احتساب عدالت نے بھی نواز شریف‘ مریم نواز اور کیپٹن (ر) صفدر کو استثنیٰ دینے سے انکار کردیا اور قرار دیا کہ وہ عدالت میں موجود رہیں کیونکہ مقدمہ اب حتمی سٹیج میں داخل ہوگیا ۔ 

مزید پڑھیں:نواز شریف اور مریم کی حاضری سے استثنی کی درخواست پھر مسترد