ڈھیل ہونی چاہئیے نہ ڈیل،فواد چوہدری

اسلام آباد... تحریک انصاف کے رہنماءو ترجمان فواد چوہدری نے کہا ہے کہ (ن) لیگ میں ٹوٹ پھوٹ کا عمل جاری ہے۔خواجہ حارث کو معلوم ہے ان کے موکل لٹک گئے ۔ اس لئے وہ کیس کو لٹکا رہے ہیں۔ ڈھیل ہونی چاہئے نہ ڈیل ہونی چاہئے۔پیر کو اسلام آباد میں پریس کانفرنس کرتے ہوئے انہوںنے کہا کہ مسلم لیگ (ن) میں ٹوٹ پھوٹ کا عمل جاری ہے۔ (ن) لیگ تو ابھی تک امیدواروں کے نام جاری نہیں کرسکی۔شریف خاندان کےخلاف نیب ریفرنسز پر بات کرتے ہوئے انہوںنے کہا کہ خواجہ حارث کو معلوم ہے ان کے موکل لٹک گئے اس لئے وہ کیس کو لٹکا رہے ہیں۔ یہ صرف مقدمہ لٹکانے کے بہانے ہیں۔انہوں نے کہا کہ یہ دلدل سے نکلنے کےلئے ہاتھ پاوں چلا رہے ہیں لیکن اتنا ہی پھنستے جارہے ہیں۔انہوں نے کہا کہ عمران خان اور پارلیمانی بورڈ سے بھی غلطیاں ہوسکتی ہیں لیکن 90 فیصد ٹکٹس پر کوئی تنازع نہیں۔ تحریک انصاف نے مضبوط امیدوار میدان میں اتارے ہیں۔انہوں نے کہا کہ تمام درخواستیں آن لائن موصول کی ہیں۔ پی ٹی آئی کے لوگوں کو ٹکٹس نہ ملنے کا تاثر غلط ہے۔ پارٹی ٹکٹوںکی تقسیم پر کارکنان کی جانب سے بنی گالہ میں عمران خان کی رہائش کے احتجاج کے بعد چیئرمین پی ٹی آئی نے کارکنان سے درخواستیں بھیجنے کا کہا تھا۔ انہوں نے کہا کہ پیپلزپارٹی سے آنیوالے 18 لوگوں کو بھی ٹکٹس ملے ہیں ۔

مزید پڑھیں:دفاع کے حق سے محروم کردیا گیا،نواز شریف