مریم نواز کا انتخابی حلقہ پھر تبدیل

اسلام آباد ... سابق وزیراعظم محمد نواز شریف کی صاحبزادی اور مسلم لیگ (ن) کی رہنما ءمریم نواز کا انتخابی حلقہ پھر تبدیل کر دیا گیا ۔ مریم نواز کو پہلے لاہور سے قومی اسمبلی کے حلقے این اے 127 سے الیکشن لڑانے کا فیصلہ کیا گیا تھا ۔ مسلم لیگ (ن) کی جانب سے جاری کی امیدواروں کی انتخابی فہرست میں مریم نواز کو این اے 125 لاہور سے ٹکٹ دیا گیا۔اب مریم نواز کا حلقہ تبدیل کر کے انہیں این اے 127 سے ٹکٹ جاری کر دیا گیا۔ذرائع مسلم لیگ (ن)کے مطابق این اے 125 سے پرویز ملک کو ٹکٹ دیئے جانے کا امکان ہے۔دوسری جانب مسلم لیگ (ن) کے رہنما بلال یاسین نے کہا ہے کہ این اے 127 پر مریم نواز ہیں۔ این اے 125 سے انتخاب لڑنے کا میرا حق بنتا ہے۔

مزید پڑھیں:شاہد خاقان تاحیا ت نااہلی کیخلاف اپیل کرینگے