میرے بچوں کو کس بات کی سزا ملی،والدہ نواز شریف

  لاہور ... سابق وزیر اعظم نواز شریف کی والدہ نے کہا ہے کو پاکستان کا بیٹا اور میرا بیٹا اپنے وطن واپس آرہا ہے جسے اس نے روشن بنایا ہے۔ میرا واپس آرہا ہے تاکہ میں اس کا ماتھا چوم سکوں۔اپنے بیٹے اور پوتی کوجیل نہیں جانے دوں گی۔ اگر انہیں جیل بھیجا گیا تو میں بھی جیل جاوں گی ۔سوشل میڈیا پر جاری ایک وڈیو پیغام میں انہوں نے کہا کہ میرا ایمان ہے کہ تینوں بے گناہ ہیں۔ اللہ تعالی ان کی حفاظت کرے گا ۔ظالموں کو اللہ کے خوف اور اس کی پکڑ سے ڈرنا چاہیے ۔جب عدالت نے خود اپنے فیصلے میں کہا ہے کہ کرپشن ثابت نہیں ہوئی تو پھر میرے بچوں کو کس بات کی سزا دی جا رہی ہے۔ انہیں ووٹ کو عزت دوکا نعرہ لگانے اور ملک سے وفاداری کی سزا دی جا رہی ہے۔نواز شریف کی والدہ نے وڈیو پیغام کے آخر میں پاکستان زندہ باد کا نعرہ بھی لگایا۔

مزید پڑھیں:نواز شریف نے لندن میں قیمتی جائداد بیچ دی