کیاایئروانڈیا شو بنگلور سے لکھنؤمنتقل ہوگا؟

نئی دہلی۔۔۔۔ایشیا کی سب سے بڑی فوجی نمائش ، ایئروانڈیا (Aero India)بنگلور سے باہر لگائی جاسکتی ہے۔ان خبروں سے پریشان وزیر اعلیٰ اور ایڈ ڈی کمار سوامی اور ان کے وزراء نے مطالبہ کیا کہ مرکزی حکومت اس معاملے کی وضاحت کرے۔ملکی فضائیہ کیلئے معروف ریاست کرناٹک سے ایئروانڈیا کی نمائش کا اہتمام لکھنؤ میں کرائے جانے کی قیاس آرائیاں جاری ہیں۔مرکزکی جانب سے بڑے پیمانے پر لکھنؤ میں حفاظتی بیلٹ قائم کیا جارہا ہے۔ واضح ہو کہ فوجی نمائش کا سلسلہ بنگلور میں 1996ء سے جاری ہے۔ وزیر اعلیٰ یوپی یوگی آدتیہ ناتھ  وزیر دفاع نرملا سیتا رمن سے ایئروانڈیا اتر پردیش میں منعقدکرانے کے موضوع پر بات چیت کرچکے ہیں تاہم مرکزکی جانب سے ابھی تک اس کی وضاحت نہیں کی گئی۔کرناٹک حکومت نے ایئر انڈیا 2019ء کا انعقادبنگلورو میں کرانے کیلئے مرکز پر زورڈالنا شروع کردیا ہے۔ اس سلسلے میں وزیر اعظم نریندر مودی کو وزیر اعلیٰ نے خط تحریر کرکے واضح کیا کہ بنگلورومیں ایئروانڈیا کی نمائش کا اہتمام ہوتا چلا آرہا ہے یہاں اسکا انعقاد سب سے مناسب ہوگا۔

مزید پڑھیں:- - - - -جودھپور صاف اور متھرا،گوالیار گندے ریلوے اسٹیشن