منی لانڈرنگ کیس ،میاں منشا بھی نیب میں طلب

لاہور .... منی لانڈرنگ کیس میں نیب نے معروف بزنس مین میاں منشا کو جمعہ کو طلب کرلیا ۔ نیب  میاں منشا سے 95 ملین ڈالر منی لانڈرنگ کی تحقیقات کرے گی۔میاں منشا کے خلاف پاکستان ورکر پارٹی کے فاروق سہلریا نے درخواست دی تھی۔ نیب فاروق سہلریا کو الیکشن سے قبل طلب کرکے بیان ریکارڈ کر چکی ہے ۔خیال رہے میاں منشانواز شریف کے قریبی ساتھیوں میں شمار کئے جاتے ہیں۔دوسری جانب ایف آئی اے نے منی لانڈرنگ سے متعلق اپنی رپورٹ تیار کرلی جسے پیر کو سپریم کورٹ میں پیش کیا جائے گا۔رپورٹ میں بتایا گیا کہ 10 سے زائد سیاسی جماعتیں مجموعی طور پر 35 ملین ڈالرز کی غیر قانونی ٹرانزیکشن میں ملوث ہیں ۔دوسری جانب فریال تالپور کے خلاف منی لانڈرنگ کیس میں عدالت نے ایف آئی اے ، ڈپٹی اٹارنی جنرل اور ایڈووکیٹ جنرل سمیت دیگر کو نوٹس جاری کردیا ۔ سندھ ہائی کورٹ میں فریال تالپور کے خلاف ایف آئی اے کے عبوری چالان کے خلاف دائر درخواست پر سماعت ہوئی۔عدالت میں وکیل صفائی فاروق ایچ نائیک نے کہا کہ ایف آئی اے کی ایف آئی آر میں منی لانڈرنگ کا ذکر نہیں۔ فریال تالپور کا ایف آئی آر میں کوئی کردار واضح نہیں۔ الزامات سےان کا کوئی تعلق نہیں۔ ایف آئی آر سے کہیں ظاہر نہیں کہ کمیشن یا بدعنوانی کی ہو۔

مزید پڑھیں:نواز شریف اور مریم کی سزا معطل ہو جائے گی؟