غداری کیس ،مشرف کی عدم گرفتاری پر وضاحت طلب

اسلام آباد ....خصوصی عدالت نے غداری کیس میں وارنٹ اجرا کے باوجود پرویز مشرف کی عدم پیشی پر سیکرٹری داخلہ کو 29 اگست کو وضاحت کیلئے طلب کر لیا۔جسٹس یاور علی کی سربراہی میں خصوصی عدالت کے 2 رکنی بنچ نے مشرف غداری کیس کی سماعت کی۔ سابق صدر کے وکیل اختر شاہ نے موقف اپنایا کہ مشرف کی جان کو خطرہ ہے۔ اسلام آباد کچہری اور کوئٹہ میں اکبر بگٹی کیس کی سماعت کے دوران جان لیوا حملے ہوئے۔ اگر صدر لیول کی سیکیورٹی دی جائے تو پرویز مشرف پیش ہو جائیں گے۔عدالت نے پراسیکیوٹر اکرم شیخ کے رو ئیے پر برہمی کا اظہار کرتے ہوئے کہا کہ اکرم شیخ نے کیس چھوڑنا تھا تو درخواست کیوں نہیں دی۔سینئر وکیل کو اتنا تو علم ہونا چاہیے تھا۔ عدالت نے پرویز مشرف کو پیش نہ کرنے پر برہمی کا اظہار کرتے ہوئے کہا کہ سیکرٹری داخلہ آئندہ سماعت پر ذاتی حیثیت میں پیش ہو کر بتائیں کہ پرویز مشرف کے ناقابل ضمانت وارنٹ ہونے کے باوجود انہیں پیش کیوں نہیں کیا گیا۔ آئندہ سماعت پر دفعہ 342 کے بیان کے قانونی نقطے پر بحث ہوگی، دیکھنا ہے کیا بیان ریکارڈ کئے بغیر ٹرائل چل سکتا ہے یا نہیں۔ 

مزیدپڑھیں:اسحاق ڈارکی برطانیہ بدری کے لئے عوام پٹیشن