کابینہ میں توسیع، 4نئے وزرا حلف اٹھائیں گے
اسلام آباد..وزیراعظم عمران خان نے کابینہ میں توسیع کا فیصلہ کر لیا۔ مزید 4 وزراء حلف اٹھائیں گے۔ نئے وزراءمیں عمر ایوب، علی زیدی، محمد میاں سومرو اور مراد سعید شامل ہیں۔ عمر ایوب وفاقی وزیر برائے توانائی، علی زیدی بحری امور اور محمد میاں سومرو وزیر نجکاری ہوں گے۔ مراد سعید کے قلمدان کا اعلان بعد میں کیا جائے گا۔واضح رہے کہ موجودہ کابینہ 23 ارکان پر مشتمل ہے جس میں 17 وزراءاور 5 مشیر شامل ہیں۔ شہریار آفریدی کو وزیر مملکت برائے داخلہ کا قلمدان سونپا گیا ہے۔ 4 نئے وزراءکی شمولیت کے بعد کابینہ ارکان کی تعداد 28 ہوجائے گی۔
