سابق حکومت کی شاہ خرچیاں سامنے لانے کا فیصلہ

اسلام آباد...وزیراعظم عمران خان کی زیر صدارت اجلاس میں100روزہ پروگرام پر عملدرآمد کا جائزہ لیا گیا۔ ضمنی انتخابات میں ٹکٹوں پر بھی مشاورت کی گئی۔ حکومت نے میڈیا حکمت عملی کا اعلان کرتے ہوئے کہا کہ موجودہ حکومت کے اہم منصوبوں کو نمایاں کیا جائے گا۔ پارٹی رہنماو¿ں کو ہدایت کی گئی کہ حکومت کے اچھے کاموں کو اجاگر اور اس کے ثمرات عوام تک پہنچائے جائیں۔ متوسط طبقے کے نمائندے کا بطور وزیر اعلیٰ پنجاب انتخاب کو بھی ذرائع ابلاغ میں نمایاں کیا جائے گا۔ذرائع کے مطابق اجلاس میںاسد عمر، نعیم الحق، افتخار درانی شبلی فراز، علی زیدی، فرخ حبیب اور علی محمد خان نے شرکت کی۔وفاقی وزیر خزانہ اسد عمر نے ملک کی معاشی صورتحال پر بریفنگ دی۔اجلاس میں 100 روزہ پلان پر پیش رفت، حکومتی کارکردگی پر عوامی ردعمل اور دیگر اہم قومی امور پر بھی مشاورت کی گئی۔ عمران خان نے ہدایت کی کہ حکومتی کارکردگی اور اس کے ثمرات عوام تک پہنچائے جائیں۔ وزیر اطلاعات فواد چوہدری نے بتایا کہ میڈیا اسٹریٹجی اجلاس میں پارٹی کی اعلیٰ قیادت نے تحریک انصاف کی حکومت کے بڑے فیصلوں کو ہائی لائٹ کرنے کا فیصلہ کیا ۔ تحریک انصاف کے رہنماﺅں کو ہدایت کی گئی ہے کہ ٹی وی ٹاک شوز میں ن لیگی حکومت کی شاہ خرچیوں کی تفصیلات عوام کے سامنے لائی جائیں ۔اجلاس میں اخراجات میں واضح کمی، وزیر اعظم کے صوابدیدی اختیارات کا خاتمہ کرنے پر اتفاق کیا گیا۔ معیشت بالخصوص پاور اور انرجی سیکٹر میں بد حالی پر بریفنگ دینے اور تمام فیصلے مشاورت کے ساتھ پارلیمان کو اعتماد میں لے کرنے کا فیصلہ بھی کیا گیا۔ٹی وی رپورٹ کے مطابق حکومت نے مسلم لیگ (ن) کو ٹف ٹائم دینے کا فیصلہ کیا ہے۔

مزید پڑھیں:حکومت آتے ہی اپنے دھندے پر لگ گئی،سعد رفیق