غیر ملکی سرمایہ کاری کا لائسنس استرولبز کمپنی کو دے دیاگیا

    ریاض-  - - - - پبلک انویسٹمنٹ اتھارٹی نے  استرولبز کمپنی کو  غیر ملکی سرمایہ کاری کا  لائسنس جاری کردیا۔  یہ  پہلی کمپنی ہے جسے اس طرح کا لائسنس جاری کیاگیا ہے۔  یہ کمپنی سعودی اور غیر ملکی سرمایہ کاروں کو سہولت فراہم کرنے کیلئے ٹیکنالوجی کمپلیکس قائم کرے گا، خصوصی تربیتی کورس کرائے گی اور  سعودی مارکیٹ میں  زیادہ سے زیادہ  سرمایہ کار  لانے  کیلئے ترغیبی پروگرام بھی  منعقد کرے گی۔   پبلک  انویسٹمنٹ اتھارٹی اور  استرولبز کمپنی نے  مملکت میں  سرمایہ کاری کیلئے غیر ملکی   سرمایہ  کاروں کو  آنے پر  آمادہ کرنے کیلئے مشترکہ مہم  چلانے کا معاہدہ بھی کیا ہے۔ اس کے تحت غیر ملکی  سرمایہ کاروں کو 100 فیصد مالکانہ حقوق والے لائسنس دیئے جائیں گے۔ سعودی  ویژن 2030 کے تحت اقتصادی وسائل میں  تنوع اور  مختلف جہتی  ٹیکنالوجی لانے کیلئے  اس قسم کی سہولتیں  دی جائیں گی۔    مذکورہ کمپنی کے بانی شریک  محمد مکی نے بتایا کہ گزشتہ 5برس کے دوران ان کی کمپنی نے  مملکت میں  لائسنس رکھنے  والی  عالمی کمپنیوں کو  سائبان  فراہم کیا۔
 

مزید پڑھیں:-  - - - -انٹرنیشنل اسکولوں میں غیر ملکیوں کی جگہ سعودیوں کی تقرری