میک اپ تکنیک جان کر کریں اپنی مشکل آسان
میک اپ ایک آرٹ ہے جس پر مہارت حاصل کرنے کے لیے کسی خاص عمر اورقابلیت کی ضرورت نہیں . بس تھوڑی سی توجہ اور اپنی صورت اور نقش کے مطابق میک اپ تکنیک کو سمجھنے کی ضرورت ہوتی ہے . اس بات کا احساس کہ آپ خوبصورت ہیں اور اپنی خوبصورتی کو مزید بڑھا سکتی ہیں میک اپ کو آپ کے لیے بہت آسان بنا سکتا ہے . میک اپ کے لیےمناسب مصنوعات ، تکنیک اور درست طریقہ کار کی ضرورت ہوتی ہے ورنہ وہ جلد میں ٹھیک سے جذب نہیں ہو پاتا اور اپنا بہترین تاثر قائم کرنے میں ناکام رہتا ہے . چھوٹی چھوٹی چیزوں کا خیال رکھ کر آپ ایک بہترین لک حاصل کر سکتی ہیں . کنسیلر لگانے کے لیے تکونی تکنیک استعمال کریں . آنکھوں کے نیچے تکون بنائیں اور اسے اچھی طرح بلینڈ کر لیں . اس سے آنکھیں دھنسی ہوئی یا سوئی سوئی محسوس نہیں ہونگی . آنکھوں کے کنارے پر کنسیلر لگانے کے لیے چوتھی انگلی استعمال کریں . آئی لائنر کو بہترین طریقے سے سیٹ کرنے کے لیے لائنر لگانے سے پہلے آنکھوں پر نقطے سے بنالیں پھر انہیں آہستگی اور صفائی سے آپس میں ملا لیں . اسی طرح ہائی لائٹر کو اپنے چہرے کی قدرتی ساخت خوبصورتی سے ابھارنے کے لیے استعمال کریں . رخسار ،ناک کی نوک اور ماتھے پر اسے لگانا بہترین طریقہ ہے . ان چھوٹی چھوٹی تکنیک کا خیال رکھ کر آپ میک اپ میں مہارت حاصل کر سکتی ہیں .
