دہلی یونیورسٹی کے دولت رام کالج میں طالبات کا ہنگامہ

نئی دہلی۔۔۔دہلی یونیورسٹی کی دولت رام کالج میں طالبات نے کالج انتظامیہ اور ہاسٹل وارڈن کیخلاف زبردست مظاہرہ کیا۔طالبات کا ہنگامہ دیکھ کر انتظامیہ نے پولیس طلب کرلی۔طالبات نے الزام لگایا کہ ہاسٹل وارڈن ان کے سوشل نیٹ ورک اکاؤنٹ سے بعض لڑکیوں کے تصاویر حاصل کرکے نہ صرف اس کا غلط استعمال کررہے ہیں بلکہ ہاسٹل میں مقیم طالبات کو حراساں بھی کیا جارہا ہے۔علاوہ ازیں ہاسٹل کی صفائی ستھرائی ، رہن سہن، کھانے پینے اور دیگرسہولتوں کا فقدان ہے۔طالبات نے بتایا کہ ہاسٹل کی مشکلات اور دشواریوں سے انتظامیہ کومسلسل آگاہ کیا گیالیکن ان کے کان پر جوں تک نہیں رینگی جس کے بعد احتجاجی مظاہرہ کرنے پر مجبو ہونا پڑا۔ہاسٹل میں تقریباً200 طالبات مقیم ہیں۔ان میں سے تقریباً135طالبات ہاسٹل وارڈن اور انتظامیہ کیخلاف مظاہرے میں شریک ہوئیں۔پولیس نے رپورٹ درج کرکے تحقیقات شروع کردی۔

مزید پڑھیں:-  - - - - -رتلام میں بھی چلائی جاسکتی ہے’’ وندے بھارت‘‘ ٹرین ، گپتا