سعودی سفیر کی مراد سعید سے ملاقات

سعودی عرب کے سفیر نواف سعید المالکی نے وفاقی وزیر مواصلات و پوسٹل سروسز مراد سعید سے ملاقات کی ہے۔

وزارت مواصلات کی جانب سے جاری بیان کے مطابق ملا قات میں دونوں ممالک کے درمیان تعاون کا دائرہ کا ر مزید وسیع کرنے کی خواہش کا اظہار کیا گیا۔

ملاقات میں مراد سعید نے سعودی عرب کے قومی دن کے موقع پر سعودی عرب کے سفیر کو مبارک باد دی اور سعودی عرب کی قیادت کے لیے نیک خواہشات کا اظہار کیا۔

ملا قات میں  مواصلات کے شعبہ میں دو طرفہ تعاون کے موضوع پر تبادلہ خیال بھی کیا گیا۔

اس موقع پر مراد سعید کا کہنا تھا کہ کورونا کی عالمی وباء کے دوران سعودی عرب کی  طرف سے محدود پیمانے پر حج کی ادائیگی کے فیصلے کو سرا ہتے ہیں۔

انہوں نے بڑی تعداد میں پاکستانیوں کی میزبانی پر سعودی عرب کا شکریہ ادا کیا۔

سعودی سفیر نے دونوں برادر ممالک کے درمیان تعلقات کو مزید مستحکم کرنے اور تعاون کا دائرہ کار بڑھانے کی خواہش کا اظہار کیا۔