بنگلے میں دوا سازی پر 26 لاکھ ریال جرمانہ

سعودی فوڈ اینڈ ڈرگ اتھارٹی (ایس ایف ڈی اے) نے بنگلے میں دوا سازی پر 26 لاکھ ریال کا جرمانہ کردیا- دوا ساز کمپنی نے متعدد ضوابط کی خلاف ورزی کی تھی- پرمٹ کے بغیر بنگلے میں دوا سازی، ادویہ کا ذخیرہ اور میک اپ کا سامان جمع کرلیا تھا-

اخبار  24 کے مطابق ایس ایف ڈی اے کا کہنا ہے کہ دوا سازی کے قوانین و ضوابط کی خلاف ورزی کرنے والوں کو پبلک پراسیکیوشن کے حوالے کردیا گیا- عدالت سے دس برس تک قید یا ایک ارب ریال تک جرمانے کی سزا ہوسکتی ہے- سپیشل کورٹ دونوں سزائیں بھی دے سکتی ہے-

ایس ایف ڈی اے نے بتایا کہ بنگلے میں ادویہ تیار کرنے پر24 لاکھ ریال کا جرمانہ  کردیا گیا- متعلقہ ادارے نے غیر رجسٹرڈ مرکبات جمع کیے ہوئے تھے اور سائنٹفیک اصولوں کے برخلاف مرکبات تیار کیے گئے تھے- تمام کام بغیر پرمٹ کے  ہورہا تھا- بنگلے سے زائد المیعاد غذائی اشیا بھی ضبط کی گئیں-

دیگر خلاف ورزیوں پر  76 ہزار ریال کا جرمانہ کیا گیا-

ایس ایف ڈی اے نے توجہ دلائی کہ متعلقہ ادارے نے میک اپ مصنوعات کے  قانون کی بھی خلاف ورزی کی- اس کے  یہاں  سے میک اپ کا ایسا سامان پکڑا گیا جو قانونی فہرست میں شامل نہیں تھا-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں