ورلڈ کپ: سنسنی خیز مقابلے کے بعد آسٹریلیا نے نیوزی لینڈ کو 5 رنز سے ہرا دیا
ڈیوڈ وارنر 81 رنز بنا کر آؤٹ ہو گئے۔ (فوٹو: اے ایف پی)
انڈیا میں جاری آئی سی سی کرکٹ ورلڈ کپ کے 27ویں میچ میں آسٹریلیا نے نیوزی لینڈ کو سنسی خیز مقابلے کے بعد 5 رنز سے شکست دے دی۔
قبل ازیں آسٹریلیا نے پہلے کھیلتے ہوئے نیوزی لینڈ کو 389 کا بڑا ہدف دیا تھا۔
جواب میں نیوزی لینڈ کی ٹیم مقررہ 50 اوورز میں نو وکٹوں کے نقصان پر 383 رنز بنا سکی۔
سنیچر کو دھرم شالہ کے کرکٹ سٹیڈیم میں ہونے والے میچ میں نیوزی لینڈ نے ٹاس جیت کر آسٹریلیا کو بیٹنگ کی دعوت دی تھی۔
نیوزی لینڈ کی جانب سے رچن رویندرا نے 116 رنز کی شاندار اننگز کھیلی، ڈیرل مچل نے 54 رن بنائے۔
جیمز نیشم نے میچ کو سنسنی خیز بنانے میں اہم کردار ادا کیا۔ انہوں نے آسٹریلوی بولروں کا آخر تک بھرپور مقابلہ کیا۔
نیشم 39 گیندوں پر 58 رنز بناکر آخری اوور کی پانچویں گیند پر رن آؤٹ ہوئے۔
گلین فلپس 12 رن اور مچل سینٹنر 17 رن بنا کر آؤٹ ہوئے۔
آسٹریلیا کی جانب سے ایڈم زمپا نے 3 کھلاڑیوں کو آؤٹ کیا، ہیزل ووڈ اور کیومنز نے 2، 2 وکٹیں حاصل کیں۔
آسٹریلیا کی اننگز
آسٹریلیا کی پوری ٹیم 49.2 اوورز میں 388 کے مجموعی سکور پر آؤٹ ہو گئی۔
کینگروز کی جانب سے سب سے لمبی اننگ ٹریوس ہیڈ نے کھیلی اور 109 رنز بنائے۔
اسی طرح ڈیوڈ وارنر نے مجموعی سکور میں 81 رنز کا اضافہ کیا جبکہ مچیل 36 رنز بنائے۔
سمتھ اور مارنوس لبویشن اٹھارہ، اٹھارہ رنز بنا پائے جبکہ گلین 41 رنز بنا کر آؤٹ ہوئے۔
نیوزی لینڈ کے بولر ٹرینٹ بولٹ اور گلین فلپس نے تین، تین وکٹیں لیں جبکہ مچیل دو، میٹی ہینری اور جیمز نیشم نے ایک ایک کھلاڑی کو آؤٹ کیا۔
نیوزی لینڈ کی اننگز
نیوزی لینڈ کی جانب سے ریچن روندرا نے 89 گیندوں پر 116 ، جمیز نیشام نے 58، ڈاریل مچل نے 54 جبکہ وِل یونگ نے 32 رنز سکور کیے۔
ڈیون کونوے 28، ٹام لیتھام 21، مچل سینٹنر 17 رنز کے ساتھ نمایاں رہے۔
گلین فلپس 12، ٹرینٹ بولٹ 10 اور میٹ ہنری 9 سکور بنا سکے۔
پوائنٹس ٹیبل کے مطابق اس وقت نیوزی لینڈ تیسرے جبکہ آسٹریلیا چوتھے نمبر پر ہے۔
پلیئنگ الیونز
آسٹریلیا کی ٹیم میں کپتان پیٹ کمنز، ٹریوس ہیڈ، ڈیوڈ وارنر، مچل مارش، سٹوین سمتھ، مارنس، لبوشین، جوش انگلش، گلین میکس ویل، مچک سٹارک، ایڈم زامپا اور جوش ہیزل ووڈ شامل تھے۔
نیوزی لینڈ کپتان ٹام لیتھم، ڈیون کونوے، ول ینگ، راچن رونیدر، ڈیرل مچل، گلین فِلپس، جیمز نیشام، مچل سینٹر، میٹ ہنری، لوکی فرگوسن اور ٹرینٹ بولٹ شامل ہیں۔
