ولی عہد شہزادہ محمد بن سلمان مدینہ منورہ پہنچ گئے

سعودی ولی عہد و وزیراعظم شہزادہ محمد بن سلمان بدھ کی صبح مدینہ منورہ پہنچے ہیں۔

سرکاری خبر رساں ایجنسی ایس پی اے کے مطابق مدینہ منورہ کے امیر محمد بن عبدالعزیز انٹرنیشنل ایئر پورٹ پر گورنر شہزادہ سلمان بن سلطان اور نائب گورنر شہزادہ سعود بن خالد بن فیصل بن عبدالعزیز نے ولی عہد کا خیرمقدم کیا۔

اس سے قبل شہزادہ محمد بن سلمان نے ریاض کے قصرالیمامہ میں مملکت کے مفتی اعظم، شہزادوں، علما، وزرا اور شہریوں سے ملاقات کی۔

ولی عہد نے رمضان المبارک کی آمد پر مبارکباد دی اور دعا کی کہ ’اللہ ہم سب کے روزے، عبادات اور نیک اعمال کو قبول کرے۔‘

’خادم حرمین شریفین شاہ سلمان بن عبدالعزیز کی قیادت میں وطن عزیز کی سلامتی اور استحکام کو برقرار رکھے۔‘