ابوظہبی ۔۔۔۔۔۔متحدہ عرب امارات کی قومی فضائی کمپنی ایمریٹس ائیر لائنز کے ایک ترجمان نے ان اطلاعات کی سختی سے تردید کی ہے جن میں کہا گیا ہے کہ امارات کے ایک طیارے کو بم سے اڑانے کی کوشش کی گئی تھی ۔ متحدہ عرب امارات کی قومی فضائی کمپنی کے ترجمان نے اس اطلاع کو بالکل بے بنیاد قرار دیا۔واضح رہے کہ لبنان کے وزیر داخلہ نہاد المشنوق نے انکشاف کیا تھا کہ گذشتہ ماہ چار لبنانیوں نے آسٹریلیا سے ابوظہبی آنے والے ایک مسافر طیارے کو دھماکے سے اڑانے کی منصوبہ بندی کی تھی لیکن ان کی اس سازش کو ناکام بنا دیا گیا تھا۔
