بالی وڈ اداکار بوبی دیول طویل عرصے کے بعد دوبارہ فلموں میں واپس لوٹے ہیں ۔وہ چار برس فلموں سے دور رہے ۔ حال ہی میں بوبی دیول نے نئی فلم 'پوسٹربوائز ' سے بالی وڈ میں واپسی کی ہے جسمیں بوبی کےساتھ ان کے بھائی اداکار سنی دیول اور اداکار شریاس تلپاڑے بھی کام کررہے ہیں۔' پوسٹر بوائز ' ماضی کی مراٹھی فلم کا ری میک ہے جواداکار شریاس تلپاڑے کی ہی ہدایتکاری میں بنائی گئی ہے۔اس سے قبل بوبی دیول 2013 میں بننے والی فلم ' یملا پگلا دیوانا ۔ ٹو' میں دکھائی دیئے تھے جس میں ان کےساتھ ان کے والد دھرمیندر اور بھائی سنی دیول بھی نظرآئے تھے۔بوبی دیول کی نئی فلم ' پوسٹر بوائز' اگلے ہفتے ریلیز ہونے والی ہے۔
