دنیا کے مستقبل کو چند دیوانے روّیوں کے رحم و کرم پر نہیں چھوڑا جانا چاہیے، یلدرم

    استنبول ۔۔۔۔ترکی کے وزیر اعظم بن علی یلدرم نے کہا ہے کہ  اقوام متحدہ سمیت پوری بین الاقوامی برادری کو اپنی تمام ذمہ داری نبھاتے ہوئے شمالی کوریا ، رکھائن اور دیگر علاقوں میں درپیش انسانی جرائم کے خلاف زیادہ ذمہ دارانہ اور دو ٹوک روّیے کا اظہار کرنے کی ضرورت ہے ۔ یلدرم نے کہا ہے کہ عراقی علاقائی کرد انتظامیہ کی طرف سے  25 ستمبر کو شمالی عراق میں جو ریفرنڈم کروانے کی کوشش کی جا رہی ہے وہ ایک غلطی ثابت ہوگا۔انہوں نے کہا کہ  علاقے میں مسائل پہلے ہی اپنے عروج پر ہیں اور ایسی صورتحال میں ایک نئے مسئلے کا اضافہ کرنا  نہ تو علاقے کے لئے اور نہ ہی علاقائی ممالک کے لئے فائدہ مند ہو گا۔انہوں نے شمالی کوریا کے میزائل تجربات اور رکھائن  میں کی جانے والی انسانی حقوق کی  خلاف ورزیوں کے بارے میں بھی اقوام متحدہ  سے موئثر حل تلاش کرنے کی اپیل کی ہے۔ترک وزیر اعظم نے کہا کہ دنیا کو جس قدر اندیشوں کا سامنا ہے ترکی بھی اسی درجے پر اندیشے محسوس کر رہا ہے  یعنی کہنے کی بات یہ ہے کہ دنیا کے مستقبل کو کسی بھی شکل میں چند دیوانی حرکتوں  اور دیوانے روّیوں کے رحم و کرم پر نہیں چھوڑا جانا چاہیے۔