طالبان کا بڑا حملہ ناکام بنادیا،50ہلاک

کابل۔۔۔۔۔300 کے قریب افغان طالبان کی نورستان کے ڈسٹرکٹ برگ ماتل میں حملوں کی منصوبہ بندی ناکام بنادی گئی جبکہ افغان فورسز نے صوبہ نورستان میں فضائی حملے میں 55 جنگجو ہلاک کرنے کا دعویٰ کیا ہے۔دوسری جانب طالبان ترجمان نے فضائی حملے میں طالبان جنگجووں کی ہلاکت کی تردید کی ہے۔ پولیس چیف محی الدین سروری نے بتایاکہ فورسز نے طالبان جنگجو کے خلاف صوبہ نورستان میں فضائی کارروائی کی ،جس میں 2کمانڈروں سمیت 55 جنگجو مارے گئے ۔پولیس چیف محی الدین سروری نے کہا کہ 300 کے قریب افغان طالبان گزشتہ کئی دنوں سے صوبہ نورستان کے ڈسٹرکٹ برگ ماتل میں موجودتھے اور حملوں کی منصوبہ بندی کررہے تھے۔انہوں نے کہاکہ خفیہ اطلاع ملنے پر ہم نے چھاپہ مارکارروائی کی،انہوں نے مزید کہا کہ افغان فورسز کی فضائی کارروائی میں 55 جنگجو ہلاک ہوئے ،جن میں 2 کمانڈر بھی شامل ہیں ،جن کی شناخت محمد اسماعیل اور فضل کریم کے نام سے ہوئی ہے۔دوسری جانب طالبان ترجمان نے فضائی حملے میں طالبان جنگجووں کی ہلاکت کی تردید کی ہے۔