اسلام آباد...دفترخارجہ کے ترجمان نفیس زکریا نے کہاہے کہ امریکہ پاکستان کو خطے کا اہم ملک سمجھتا ہے۔ٹی وی انٹرویو میں انہوں نے کہاکہ وزیراعظم شاہد خاقان عباسی نے اقوام متحدہ کی جنرل اسمبلی کے اجلاس کے موقع پر کئی ممالک کے اعلیٰ حکام کے ساتھ اہم ملاقاتیں کیں۔ وزیراعظم کی امریکی نائب صدر کے ساتھ ملاقات بہت اہم تھی دونوں ممالک ایک دوسرے کے ساتھ ملکر کام کرناچاہتے ہیں۔نفیس زکریا نے کہاکہ افغانستان میں ہندوستانی سرگرمیوں کے دستاویزی ثبوت کے ساتھ امریکہ اور افغانستان کی حکومتوں کو آگاہ کیاگیاہے۔
