ایشیا اوشیانا شطرنج چیمپیئن شپ پاکستانی محمود لودھی نے جیت لی

آکلینڈ:پاکستان کے شطرنج ماسٹر محمود احمد لودھی نے نیوزی لینڈ میں ہونے والی ایشیا اوشیانا سینیئر شطرنج چیمپیئن شپ جیت لی۔ شطرنج کا یہ عالمی مقابلہ آکلینڈ میں 7 تا 15 اکتوبر منعقد ہوا۔محمود احمد لودھی نے عمدہ کارکردگی کا مظاہرہ کرتے ہوئے 9 میں سے 6 سیٹ جیتے اور صرف ایک سیٹ ہارے جبکہ 2 میں مقابلہ برابر ہوگیا۔ انہوں نے سب سے زیادہ پوائنٹس حاصل کر کے ایشین سینیئر ٹائٹل اپنے نام کر لیا۔محمود احمد لودھی اس سے قبل 2015 ءمیں بھی ایران میں ہونے والی سینیئر ایشین چیمپیئن شپ جیت چکے ہیں۔ آٹھویں ایشین سینیئر شطرنج چیمپیئن شپ میں ایشیا اور اوشیانا زون کے کھلاڑیوں نے حصہ لیا۔آسٹریلیا کے جانسن دوسرے نمبر پر رہے ۔