امریکی کانگریس ایٹمی ڈیل کا تحفظ کرے،یورپی یونین

 لکسمبرگ …یورپی یونین کے وزرائے خارجہ نے لکسمبرگ میں اپنے ایک اجلاس میں امریکی کانگریس سے مطالبہ کیا ہے کہ وہ ایرانی جوہری ڈیل کے تحفظ کیلئے اپنا کردار ادا کرے۔ یورپی یونین کا یہ مطالبہ امریکی صدر ڈونلڈ ٹرمپ کے  ایرانی جوہری ڈیل پر دئیے گئے پالیسی بیان کے تناظر میں سامنے آیا ہے۔ یورپی یونین کی خارجہ امور کے شعبے کی سربراہ فیدیریکا موگرینی نے واضح طور پر کہا کہ اس ڈیل کے حوالے سے کوئی متبادل زیر غور نہیں ۔امریکی کانگریس کو اس سلسلے میں کردار ادا کرنے کی ضرورت ہے۔یورپی یونین نے اقوام متحدہ  کی سلامتی کونسل کی حما یت سے ہونے والے ایٹمی معاہدے  پر قائم رہنے کے عزم کا اعادہ کیا۔