ٹی ٹوئنٹی: لاہور میچ کے ٹکٹ کی قیمتوں میں کمی،فروخت شروع

لاہور:سری لنکن ٹیم کے خلاف قذافی اسٹیڈیم لاہور میں کھیلے جانے والے تیسرے ٹی ٹوئنٹی انٹرنیشنل میچ کیلئے ٹکٹوں کی آن لائن فروخت شروع کردی گئی ہے اور 1500روپے والے تمام ٹکٹ فروخت ہو گئے ہیں سابقہ تجربے کو مدنظر رکھ کر اس مرتبہ پی سی بی نے ٹکٹ کی قیمتیں نسبتاً کم رکھی ہیں۔ ٹکٹ کی زیادہ سے زیادہ قیمت 5ہزار روپے ہے۔میچ کےلئے ٹکٹوں کے حصول کے پہلے مرحلے میں 7 انکلوژرز کے ٹکٹ آن لائن فروخت کےلئے دستیاب تھے۔ 7میں سے 4 عبدالقادر، اے ایچ کاردار، جاوید میانداد اور ر اعجاز انکلوژرز کے ٹکٹوں کی قیمت 1500 روپے مقرر کی گئی تھی جو تمام فروخت ہو چکے ہیں۔عمران خان اور فضل محمود انکلوژرز کےلئے ٹکٹ کی قیمت 3 ہزار روپے جبکہ وسیم اکرم انکلوژر کےلئے ٹکٹ کی قیمت 5 ہزار روپے مقرر کی گئی ہے۔ وی وی آئی پی ٹکٹس کی بھی مانگ بڑھ گئی ہے پی سی بی نے ابتدائی طور پر فرسٹ کلاس اور وی آئی پی انکلوژرز کے ٹکٹوں کی فروخت شروع کی ہے اور بعد میں بقیہ انکلوژر کے ٹکٹ فروخت کیلئے پیش کئے جائیں گے۔