راولپنڈی.. آرمی چیف جنرل قمر جاوید باجوہ سے پاکستان میں افغان سفیر عمر زخیل وال نے اہم ملاقات کی دو طرفہ تعلقات اور خطے کی سیکیورٹی صورتحال پر بات چیت کی گئی۔ آرمی چیف کے دورہ کابل کے بعد کی صورتحال پر تبادلہ خیال کیا گیا۔ آرمی چیف نے افغانستان میں دہشت گردی کے حالیہ واقعات کی مذمت کرتے ہوئے کہا کہ غم زدہ خاندانوں کے دکھ میں برابر کے شریک ہیں۔ دہشتگرد ہمارے مشترکہ دشمن ہیں۔ دونوں ممالک کو دہشت گردی سے بھاری جانی اور مالی نقصان اٹھانا پڑا۔ جنرل باجوہ نے اس عزم کا اعادہ کیا کہ دہشت گرد خطے میں ہماری امن کی خواہش کو کمزور نہیں کر سکتے۔
