کراچی ... پیپلز پارٹی کے مرکزی رہنما اور سابق وزیر مملکت غلام اکبر لاسی کراچی میں طویل علالت کے بعد انتقال کرگئے۔ بےنظیر بھٹو کے دونوں ادوار میں وزیر مملکت رہے۔ بلوچستان کے ضلع لسبیلہ کے تاریخی شہر بیلہ کے مضافات میں بریہ گوٹھ میں پیدا ہوئے۔ کراچی یونیورسٹی سے ماسٹرز کیا ۔ غلام اکبر لاسی نے 1988 کے انتخابات میں پہلی مرتبہ این اے 270 لسبیلہ کم گوادر سے بھاری اکثریت سے کامیابی حاصل کی۔ جام یوسف سے اختلافات کے بعد پپیلز پارٹی میں شامل ہوگئے۔ بےنظیر کے پہلے دور حکومت میں انہیں محنت وافرادی قوت وسمندر پار پاکستانیز کی وزارت ملی۔ 1993ءمیں پیپلز پارٹی کے ٹکٹ پر این اے 270 لسبیلہ کم گوادر سے حصہ لیا۔ جام یوسف کو شکست دے کر رکن قومی اسمبلی منتخب ہوئے۔ بینظیر کے دوسرے دور حکومت میں بھی وزیر مملکت برائے محنت وافرادی قوت وسمندر پار پاکستانیز بنایا گیا۔ پیپلزپارٹی حکومت کی برطرفی کے بعد غلام اکبر لاسی کو گرفتار کرلیا گیا۔ رہائی کے بعد ان کے خاندان نے کینیڈا میں سیاسی پناہ حاصل کی۔
