مکہ مکرمہ:غیر قانونی تارکین کیلئے مہم، 100 گرفتار

مکہ مکرمہ.... غیرقانونی تارکین سے پاک وطن جاری مہم کے تحت مکہ مکرمہ میں مزید 100 افراد گرفتار کرلئے گئے۔ محکمہ پاسپورٹ کی سربراہی میں کی جانے والی تفتیشی مہم کے دوران مختلف محلوں میں چھاپے مارے گئے۔ گرفتار شدگان میں سے اکثریت افریقی تارکین ہیں۔ مکہ مکرمہ پولیس نے کہا ہے کہ شہر کے مختلف محلوں میں تفتیشی مہم جاری رہے گی۔ شہریوں و مقیم غیر ملکیوں سے اپیل کی جاتی ہے کہ وہ غیرقانونی تارکین کے ساتھ کسی قسم کا تعاون نہ کریں ورنہ ان کیخلاف بھی کارروائی کی جائے گی۔