وائس چانسلر پر حملہ آور گرفتار

ریاض ۔۔۔۔ایک نامعلوم شخص نے امام محمد بن سعوداسلامی یونیورسٹی کے وائس چانسلر ڈاکٹر سلیمان اباالخیل پر سریے سے حملہ کرنے کی کوشش کی۔ڈاکٹر ابا الخیل شمالی ریاض کے الغدیر محلے کی العنودمسجد سے فجر کی نماز پڑھ کر نکل رہے تھے۔ وائس چانسلر کو بچانے والے ہمسائے کے ہاتھ کی ہڈی ٹوٹ گئی۔ فوراً ہی گشتی سیکیورٹی فورس کی مدد طلب کرلی گئی۔ حملہ آور کو گرفتار کرلیا گیا ۔پولیس حملہ آور سے واردات کے محرکات دریافت کررہی ہے۔