ہیری کین کی پریمیئر لیگ میں5ویں ہیٹ ٹرک

لندن:انگلش کلب ٹوٹنہم ہوٹسپر کے مایہ ناز فٹبالرہیری کین نے اس سال کی پریمیئر لیگ میں اپنی پانچویں ہیٹ ٹرک مکمل کرنے کے ساتھ ساتھ اس لیگ میں کیلنڈر ائیر کے دوران 36گول کرنے کا ریکارڈ بھی برابر کر دیا ہے ۔ ہیری کین نے ایلن شیئرر کا ریکارڈ برابر کیا جبکہ وہ لیگ میں مجموعی طور7ہیٹ ٹرک بھی مکمل کر چکے ہیں۔برنلے کے خلاف میچ میں ہیری کین نے اپنی ٹیم کے کسی اور کھلاڑی کو گول کرنے کا موقع نہیں اور 0-3سے اسے کامیابی بھی دلادی۔ان تین گولز کے ذریعے وہ کلب کےلئے اپنے گولز کی تعداد بھی 21تک پہنچانے میں کامیاب ہو گئے ۔ انہوں نے اپنا پہلا گول پنالٹی کک کی مدد سے کیا جو ڈیلی علی نے حاصل کی تھی۔پہلا ہاف0-1سے ٹوٹنہم کے نام رہا جبکہ دوسرے ہاف میں ہیری کین نے مزید دو گول کرکے اپنی ہیٹ ٹرک مکمل اور ان کی ٹیم بڑے مارجن سے جیتنے میں بھی کامیاب ہو گئی۔ ان دونوں گولز میں انہیں موسیٰ سسکو اور ڈیلی علی کی مدد بھی حاصل رہی ۔ یہ ستمبر کے بعد ہوم گراونڈ سے باہر ٹوٹنہم کی پہلی فتح ہے۔ان گولز کے ذریعے ہیری کین سال کے ٹاپ اسکوررز میں بھی اپنی جگہ پکی کرنے میں کامیاب ہو گئے ہیں ۔