باہو بلی 2 جاپان کے بعد روس میں
بالی وڈ فلم باہو بلی 2 جاپان کے بعد روس میں بھی ریلیز کی جائے گی۔ بھارتی میڈیا کے مطابق ہدایتکار ایس ایس راجا مولی کی فلم باہو بلی 2 جاپان میں رواں سال 29 دسمبر جبکہ روس میں آئندہ سال جنوری میں ریلیز کی جائے گی۔ پروڈیوسر شوبھو یرلاگڈا نے ٹویٹر پر فلم کے روسی ورژن کا ٹریلر شیئر کرتے ہوئے کہا ہے کہ فلم روس میں آئندہ ماہ ریلیز کی جائے گی۔ فلم میں اداکار پرابھاس اور رانا ڈگوبتی نے اہم کردار ادا کیاہے جبکہ انوشکا شیٹی، رمیا کرشنن ، تمنا بھاٹیا اور ستھیا راج بھی شامل تھے۔
