فلم ' ٹائیگر زندہ ہے' اپنے افتتاح سے لےکر پورا ہفتہ بہترین کمائی کررہی ہے۔شائقین سینما میں مقبولیت کے ریکارڈ بنانے پر دبنگ اداکار سلمان خان نے مداحوں سے اظہار تشکر کیااورکترینہ سمیت ٹیم کو مبارکباد دی ہے۔سلمان خان کاکہنا ہے کہ فلم کو کامیاب بنانے پر میں اپنے مداحوں کا شکرگزار ہوں، سلمان خان کا مزید کہنا ہے کہ اس فلم کے ایکشن سین عکسبند کروانا اور سخت سرد موسم میں فلم کی شوٹنگ کسی چیلنج سے کم نہیں تھی۔ واضح ہو کہ ' ٹائیگر زندہ ہے' ریلیز سے اب تک ڈیڑھ سو کروڑ سے زائد کا بزنس کرچکی ہے۔ فلم نے2017 کی تمام فلموں کے ریکارڈ بھی توڑدیئے ہیں۔
