ہیری کین نے پریمیئر لیگ کا 22سالہ ریکارڈ توڈ دیا
جمعرات 28 دسمبر 2017 3:00
لندن: انگلش فٹبال کلب ٹوٹنہم ہوٹسپر کے مایہ کھلاڑی ہیری کین نے کیلنڈر ایئرمیں سب سے زیادہ گول کرنے کا پریمیئر لیگ22سالہ ریکارڈ توڑ دیا، وہ یورپ کے ٹاپ اسکورر بھی بن گئے۔ ٹاپ اسکوررز کی فہرست میں ہیری کین نے لائنل میسی، رونالڈو اور ایڈنسن کیوانی جیسے معروف فٹبالرز کی پیچھے چھوڑ دیا۔ہیری کین نے پریمیئر لیگ میں ساتھمپٹن کے خلاف میچ کے دوران سیزن کی چھٹی ہیٹ ٹرک بھی مکمل کی جبکہ ان کی ٹیم یہ میچ 2-5گول سے جیتنے میں کامیاب رہی۔اس ہیٹ ٹرک کے ذریعے جو اس ہفتے ان کی دوسری ہیٹ ٹرک بھی تھی وہ اپنے گولز کی تعداد39 تک پہنچانے میں کامیاب رہے اور ایلن شیئرر کا22سالہ ریکارڈاپنے نام کرلیا۔اس کے ساتھ ہی وہ 2017میں انگلینڈ اور اپنے کلب کیلئے56گول مکمل کرنے میں بھی کامیاب رہے اور یورپیئن ٹاپ اسکورر بن گئے ۔ ایلن شیئرر نے اپنا ریکارڈ توڑنے پر ہیری کین کو مبارک دی اور کلب کو خبردار کیا کہ ہیری کین ان کے ہاتھ سے نکل سکتا ہے کیونکہ رئیل میڈرڈ جیسے کلب کی اس پرنظرہے ۔
