ویمنز بگ بیش لیگ: سڈنی تھنڈر اور برسبین ہیٹ کی جیت

ایڈیلیڈ :ویمنز بگ بیش لیگ میں سڈنی تھنڈر اور برسبین ہیٹ نے اپنے اپنے میچ جیت لئے۔ گزشتہ روز کھیلے گئے لیگ کے میچ میں سڈنی تھنڈر نے ہوبارٹ ہریکینز کو 8 وکٹوں سے ہرایا۔ فاتح ٹیم نے 98 رنز کا ہدف 2 وکٹوں کے نقصان پر حاصل کر لیا۔ دوسرے میچ میں برسبین ہیٹ نے ایڈیلیڈ اسٹرائیکرز کو 8 وکٹوں سے شکست دی۔ برسبین ہیٹ نے ایڈیلیڈ کی طرف سے دیا گیا 120 رنز کا ہدف 2 وکٹوں کے نقصان پر حاصل کیا۔ بیتھ مونی نے شاندار بیٹنگ کا مظاہرہ کیا اور 81 رنز کی ناقابل شکست اننگز کھیلی۔ انہیں میچ کی بہترین پلیئر قرار دیا گیا۔