ریاض: گھر میں حشیش اُگانے والا غیر ملکی گرفتار

 ریاض..... ریاض پولیس نے اپنے گھر میں حشیش کے پودے اُگانے والے غیر ملکی کو گرفتار کرلیا ہے۔ اس نے اپنی بیوی اور بیٹی کو بھی گھر میں قید کررکھا تھا۔ غیر ملکی عمر کی چھٹی دہائی میں ہے۔ ریاض پولیس کی طرف سے جاری ہونے والی تفصیلات کے مطابق غیر ملکی کے بارے میں معلومات موصول ہوئی تو اسے گرفتار کرنے کیلئے ٹیم تشکیل دی گئی۔ گھر پر چھاپہ مارنے پر معلوم ہوا کہ اس نے 92 گملوں میں 181 حشیش کے پودے لگائے ہوئے ہیں۔ اس نے اپنے اس مذموم کاروبار میں اپنی بیوی اور بیٹی کو بھی شریک کرنے پر مجبو ر کر رکھا تھا۔ دونوں کو اس مقصد کیلئے گھر میں قید کئے رکھا اور باہر نکلنے کی اجازت نہیں دیتا تھا۔