سکھر.... پیپلز پارٹی کے چیئرمین بلاول بھٹو زرداری نے کہا ہے کہ ایک آمر اور دہشتگروں نے ملکر مجھ سے میری ماں چھین لی ، لیکن میں ملک کی ہر ماں کو اپنی ماں سمجھتا ہوں اور آج ملک کی ہر ماں میرے لئے بینظیر ہے ، عوامی طاقت سے2018کی الیکشن میں اقتدار میں آکر بینظیر انکم سپورٹ پروگرام سمیت خواتین کی بھلائی اور غربت کم کرنے کے پروگراموں کو وسیع اور فعال بنایا جائیگا ۔ ان خیالات کا اظہار انہوں نے سکھر میں سندھ رورل سپورٹ پروگرام کی جانب سے یونین کونسل سطح تک غربت کم کرنے والے پروگرام میں توسیع کی افتتاحی تقریب سے خطاب کرتے ہوئے کیا۔ انہوںنے کہا کہ(ن)لیگ حکومت نے پورے ملک میں این جی اوز اور چیئریٹی اداروں کے خلاف سخت اقدامات لیے ہیں مگر پیپلز پارٹی نے ہمیشہ فلاحی و بہبود کے کاموں کی حوصلہ افزائی کی ہے۔
