’’نیوکیلیفورنیا ‘‘ کے نام سے نئی ریاست کا اعلان

کیلیفورنیا۔۔۔امریکی ریاست کیلیفورنیا میں بعض علیحدگی پسندوں نے ’’نیو کیلیفورنیا‘‘ کے نام سے ایک علیحدہ ریاست قائم کرنے کا اعلان کردیا۔ریاست ہائے متحدہ امریکہ کی اب تک 50 ریاستیں موجود ہیں جس کے آئین کی دفعہ 4کے تحت الگ ریاست کا اعلان کرتے ہوئے اس تحریک کے بانی پال پریسٹن نے پریس کو بیان دیتے ہوئے کہا کہ اس سلسلے میں قانونی پہلوؤں کا جائزہ لیا جا رہا ہے۔ہم اپنے مطالبات کی شنوائی کیلئے جلسے کروانے کا سوچ رہے ہیں۔ انھوں نے کہا کہ ہم امریکہ سے نہیں بلکہ کیلیفورنیا سے الگ ہونا چاہتے ہیں کیونکہ ہمارا ماننا ہے کہ ریاست کیلیفورنیا کے قوانین اورٹیکس نظام غیرمنصفانہ ہے۔ امریکی ذرائع ابلاغ کے مطابق اس سارے عمل میں قانونی لحاظ سے10تا 18 ماہ کا عرصہ لگ سکتا ہے جس کے نتیجے میں صرف امریکی سینیٹ کو یہ اختیار حاصل ہوگا کہ وہ کسی نئی ریاست کے قیام کی منظوری دے۔

یہ بھی پڑھیں :برطانیہ اور امریکہ میں برفانی طوفان