ملاوٹی میک اپ فروخت کرنیوالے غیر ملکی گرفتار

ریاض ... وزارت تجارت و سرمایہ کاری نے ملاوٹی میک اپ آن لائن فروخت کرنے والے غیر ملکیوں کو گرفتار کرلیا۔ تفصیلات کے مطابق وزارت کے ترجمان عبدالرحمان الحسین نے ٹویٹر کے اپنے اکاﺅنٹ پر واضح کیا کہ اللہ تعالیٰ کے فضل وکرم اور وزارت کے انسپکٹرز کی بیداری کی بدولت کئی غیر ملکی مرد و خواتین کو گرفتار کرلیا گیا۔ یہ سوشل میڈیا کے ذریعے میک اپ کا جعلی سامان فروخت کررہے تھے۔ خودہی تیار کرتے تھے ۔ ڈھائی لاکھ سے زیادہ لوگ انکی ویب سائٹ سے رجوع کرنے لگے تھے۔