صدام کی بیٹی عراقی مطلوبین میں شامل

بغداد .... عراقی حکومت نے داعش ، القاعدہ اور کالعدم البعث پارٹی سے منسوب 60 مطلوبین کی پہلی فہرست جاری کردی۔اس میں عراق کے سابق صدر صدام حسین کی بیٹی رغد کا نام بھی شامل ہے۔ وہ اردن میں قیام پذیر ہے۔ فہرست میں داعش تنظیم کے رہنما ابو بکر البغدادی کا نام نہیں۔ عراقی انٹرپول کے سربراہ میجر جنرل صادق عبدالرحمان کا کہناہے کہ بغدادی چونکہ پوری دنیا کو مطلوب ہے صرف عراقی عدلیہ کو ہی نہیں، اسی وجہ سے اس کا نام فہرست میں درج نہیں کیا گیا۔ عراقی فہرست میں داعش کے 28، القاعدہ کے 12اور البعث کے 20رہنماﺅں کے نام درج کئے گئے ہیں۔ لبنان کے ایک سیاستدان ( معن بشور) کا نام بھی شامل ہے۔