آلو جب بھی ابالے جائیں اس کا چھلکا آسانی سے اتارنے کے لیے گرم گرم چھیل لیں کیوں کہ ٹھنڈے ہونے کے بعد لیس پیدا ہوجاتی ہے .
چاولوں کو کیڑے سے بچانے کے لیے اس میں پسا ہوا نمک ملا دیں . کیڑا نہیں لگے گا . ایک من چاولوں کےلیے ایک سیر نمک کافی ہے .
اگر سرکے کو پانی میں ملا کر اس میں سفید ململ کا کپڑا نچوڑ کر گوشت پر پھیلا دیں تو اس پر مکھیاں نہیں آئیں گی .
کریلے کے چھلکے اتار لیں اور کاٹ کر بیج نکالنے کے بعد کٹے ہوئے کریلے پر نمک لگا کر ان کو اچھی طرح مل کر دھو لیں . ساری کڑواہٹ دور ہوجائے گی .
کریلوں کے چھلکوں کا سالن بنانے کے لیے پیاز تل کر مصالحہ بھوننے سے نہ صرف یہ مزیدار پکے گا بلکہ شوگر کے مریضوں کیلئے بھی مفید ہے .
یہ بھی پڑھیں:آلو بھری مرچیں
